Халықаралық қатерлі ісікке шалдыққан балалар күні

Балалар онкологиясы бүгінгі таңдағы өзекті мәселелердің бірі. 15 ақпан Халықаралық қатерлі ісікке шалдыққан балалар күніне орай «№1 қалалық емхананың» балалар бөлімінде СӨС дәрігері Е. А. Гурский ата-аналарға лекция оқыды. Ол қауіпті дерттің алдын алу, уақытылы дигностикадан өтудің маңызына тоқталды. Дәрігер қатерлі ісік белгілерін атап өтті. Мысалы, тері қабатының бозаруы; баланың мінез-құлқы мен белсенділігінің өзгеруі; тамақтанудан бас тарту, салмақ жинауды тоқтату; эмоционалды реакциялардың болмауы, т.б. Балалар арасындағы қауіпті ісік қатарында саркомалар (сүйектің, жұмсақ тіннің, бүйрек, көз, жыныстық бездердің, мидың, бауырдың қатерлі ісігі және гемобластоздар, лимфомалар, лейкоздар) жиі кездеседі.