Өңештің варикозды веналарынан қанаған науқастарға немесе қанағудың алдын алу үшін, заманауй эндоскопиялық әдіспен байлау (лигирование) отасы жасалуда.

ШЖҚ «Сарыағаш аудандық орталық ауруханасы «МКК-сында өңештің варикозды веналарынан қанаған науқастарға немесе қанағудың алдын алу үшін, заманауй эндоскопиялық әдіспен байлау (лигирование) отасы жасалуда. 

 Осында оталар Түркістан облысы бойынша аудандық ауруханалар арасында бірінші Сарыағаш аудандық ауруханасында жасалуда. МӘМС –жүйесі арқасында барлық медициналық емді тегін ала аласз, соның ішіне осы ота түрі де кіреді.

-Өңеш варикозы веналарынан қан кетіп асқынып түскен науқастар,хирургия бөлімінде емін алу барысында ота (лигирование) жасалады.

-Қан кетудің алдын алу бойынша жоспарлы түрде хирургия бөліміне жатып ота(лигирование) жасатады.

Өңештің варикоздары дегеніміз не?

Варикоз-бұл ұлғайған немесе ісінген тамырлар. Өңеш-тамақ пен асқазанды байланыстыратын түтік. Өңештің шырышты қабатында кеңейтілген веналар пайда болған кезде, олар өңештің варикоздары деп аталады. 

Өңеш варикозының белгілері қандай?

Көбінесе адамдар өңештің варикозды тамырлары қан кете бастағанша білмейді. Қан кету кенеттен және ауыр болған кезде адам көп мөлшерде қан құсады. Қан кету азырақ болса,адам қанды жұтып қоюы мүмкін, оның ішінде тері бозарған, ылғалды, тыныс алудың бұзылуы және сананың жоғалуы.