Астана қаласының №11 емханасында «Ашық есік күні» өтті

2023 жылғы 23 қарашада Дүниежүзілік ЖИТС-пен күрес күні аясында Астана қаласының №11 емханасында АИТВ-инфекциясының алдын алу орталығының дәрігерлері, «Дауа» жастар денсаулық орталығының қызметкерлері мен емхананың профилактика және әлеуметтік-психологиялық көмек бөлімшесінің медицина қызметкерлерімен бірлесіп,  «Сіздің өміріңіз сіздің қолыңызда!» ұранымен «Ашық есік күнін» өткізді.

«Томирис» медициналық колледжінің  «Мейіргер ісі» факультетінің 4 курс студенттері келушілердің назарына флешмоб би нөмірін ұсынды және ақпараттық білім беру материалдарын таратты.

Аталмыш шарада емханада тіркелген тұрғындарға АИТВ мәселелері бойынша орталық дәрігерлерінен кеңес алу және тегін АИТВ - ға жедел тестілеуден өту мүмкіндігі ұсынылды. Ал емхана тарапынан акцияға қатысқан тұрғындардың қандағы глюкоза, холестерин деңгейін анықтауға жедел тестілеу және қан қысымын өлшеуге мүмкіндігі болды.